प्रतिनिधी : राजेश चौधरी | प्रदीप कुळकर्णी
सावदा येथील नगरपालिका संचलित नानासाहेब विष्णू हरी पाटील विद्यामंदिर यांचा वार्षिक पारितोषिक वितरण समारंभ उद्या दिनांक 9 रोजी सकाळी 10 वाजता विद्यालयाच्या प्रांगणात संपन्न होणार आहे.
यात मुक्ताईनगर विधानसभा मतदारसंघ आमदार चंद्रकांत पाटील यांच्या हस्ते पारितोषिक वितरण करण्यात येणार आहे तर समारंभाचे अध्यक्ष उपविभागीय अधिकारी फैजपूर येथील कैलास कडलग तसेच प्रमुख पाहुणे म्हणून सावदा नगरपालिकेचे मुख्याधिकारी किशोर चव्हाण तसेच सर्व सन्माननीय माजी नगराध्यक्ष व माजी नगरसेवक नगरपालिका सावदा उपस्थित राहणार आहे.
तरी या समारंभास सर्व विद्यार्थी , पालक वर्ग, नागरिक तसेच पत्रकार बांधव यांनी उपस्थित रहावे आणि कार्यक्रमाची शोभा वाढवून विद्यार्थ्यांना प्रोत्साहित करावे असे आवाहन मुख्याध्यापिका पुष्पलता ठोंबरे व पर्यवेक्षक पी.जी. भालेराव यांनी केले आहे.
إرسال تعليق