प्रतिनिधी : राजेश चौधरी | प्रदीप कुळकर्णी
प्रधानमंत्री किसान समृद्धी केंद्र उद्घाटन तसेच साडेआठ कोटी शेतकऱ्यांना पीएम किसान योजनेच्या चौदाव्या हप्त्याचे हस्तांतरण निमित्त आज दिनांक २७ जुलै २०२३ रोज गुरुवार रोजी पंतप्रधान नरेंद्रजी मोदी यांनी देशभरातील तमाम शेतकऱ्यांसोबत ऑनलाईन संवाद साधला.
भारतीय जनता पार्टी सावदा शहर च्या वतीने सावदा शहरात दोन कृषी केंद्रांवर कार्यक्रमाचे थेट प्रक्षेपण आयोजित करण्यात आले होते.
दोन्ही कृषी केंद्रांवर परिसरातील शेतकरी बंधूंनी उपस्थित राहून सन्माननीय मोदीजींच्या संबोधनास व त्यांच्या कार्यास समर्थन म्हणून ९०९०९०२०२४ या क्रमांकावर मिस्ड कॉल करून आपला पाठिंबा दर्शविला.
हा कार्यक्रम सावदा शहरातील साईनाथ ऍग्रो व स्मार्ट फार्मर्स सोल्युशन या दोन कृषी केंद्रांवर आयोजित करण्यात आला होता या कार्यक्रमास साईनाथ ऍग्रो चे संचालक जगदीश पाटील, स्मार्ट फार्मर सोल्युशन चे संचालक योगेश पाटील, सर्व कर्मचारीवृंद, परिसरातील सर्व शेतकरी बांधव यासह सावदा नगरीचे माजी नगराध्यक्ष राजेंद्र चौधरी, शहराध्यक्ष जितेंद्र किसन भारंबे, सरचिटणीस महेश अकोले व संतोष परदेशी उपस्थित होते.
 |  |  |
 |  |  |
Post a Comment