सावद्यात सोहेल खान फाउंडेशन तर्फे विद्यार्थ्यांसाठी सी.टी.इ.टी.मार्गदर्शन संपन्न ...

प्रतिनिधी :  राजेश चौधरी  |  प्रदीप कुळकर्णी 

सावद्यात सोहेल खान फाउंडेशन तर्फे विद्यार्थ्यांसाठी सी.टी.इ.टी.मार्गदर्शन कार्यक्रम झाला संपन्न ...

येत्या २० ऑगस्ट रोजी होणाऱ्या सी.टी.इ.टी.च्या परीक्षेच्या पार्श्वभूमीवर या परीक्षेत बसणाऱ्या गरजू विद्यार्थ्यांचे भविष्य उज्वल व्हावे. सदरील परीक्षा त्यांना अवघड जाऊ नये, यासाठी रावेर तालुक्यात असलेल्या सावदा येथील सोहेल खान फाउंडेशनचे अध्यक्ष सोहेल खान सैईदुल्ला खान, अय्यूब सर, पत्रकार फरीद शेख व युसूफ शाह सह सदस्यांनी दि. १२ ऑगस्ट रोजी शहरातील ख्वाजा नगर हॉलमध्ये एक दिवशी सी.टी.इ.टी.मार्गदर्शन कॅम्प आयोजित केला होता. याठिकाणी जिल्ह्याभरातून आलेल्या विद्यार्थ्यांना सुप्रसिद्ध शिक्षक अली अंजूम रिज़वी यांनी मोलाचे मार्गदर्शन केले.

या एक दिवसीय आयोजित वर्कशॉप कॅम्पचे अध्यक्षस्थानी सावदा येथील डॉ.अन्सार खान गुलाम गौस खान होते. तर प्रमुख पाहुणे म्हणून जिल्हा राष्ट्रवादीची मझहर खान, जळगाव उदगटृष्टीचे अनीस शाह, शिकलगार फाउंडेशनचे अध्यक्ष अन्वर खान, शकील शेख, सैय्यद बशारत अली, मुख्याध्यापक जबर खान, डॉ.लियाकत, शरीफ सर, ज्येष्ठ पत्रकार श्याम पाटील, सावदा शहर शिवसेना प्रमुख सुरज उर्फ बद्री परदेशी, या सर्व उपस्थित मान्यवरांचा सत्कार सोहेल खान फाउंडेशनचे सदस्य कलीम जनाब, निसार अहमद, शेख कमरूद्दीन, शेख अनीस, मोईन खान, मोहसीन शाह यांनी केले. 

याप्रसंगी शैक्षणिक व सामाजिक समस्या सोडवण्यासाठी समाजाने आपापसातील सर्व काही हेवे दावे विसरून एकत्र याणे व सर्वसमावेशक विचारधारा ठेवणे काळाची गरज आहे. असे मनोगत जळगाव जिल्हा मनियार बिरादरीचे अध्यक्ष फारुख शेख यांनी व्यक्त केले. 

तसेच याठिकाणी मार्गदर्शन करताना शिक्षक अली अंजूम रिज़वी यांनी प्रत्येक पालकांनी आपल्या मुलांच्या शिक्षणावर अधीक लक्ष देण्याची फार गरज असल्याचे मत व्यक्त केले. यादरम्यान सोहेल खान फाउंडेशनच्या वतीने जळगांव येथील फारुख शेख यांना "रहेबर ए मिल्लत" तर डायमंड इंग्लिश मीडियम स्कूलचे सावदाचे अध्यक्ष डॉ.हाजी हारून शेख यांना "समाज रत्न" पुरस्काराने सन्मानित करण्यात आले. 

या कार्यक्रमाचे सूत्रसंचालन सलाउद्दीन अदीब यांनी केले. कार्यक्रम यशस्वी करण्यासाठी सदर फाउंडेशनचे पदाधिकाऱ्यांनी मेहनत घेतली.

काही कामानिमित्त या कार्यक्रमास उपस्थित न राहिल्यामुळे मुक्ताईनगर मतदारसंघाचे आ.चंद्रकांत पाटील यांनी आयोजकांना भ्रमणध्वनीवरून संपर्क साधला व त्यांनी कार्यक्रमास शुभेच्छा दिल्या."

अशाच ज्ञानवर्धक माहिती साठी,  नवनवीन बातम्यांसाठी तसेच जाहिरातीसाठी 

खालील लिंक वर क्लिक करून इतर ग्रुप ला जॉईन व्हा