प्रतिनिधी : सारिका चौधरी | प्रदीप कुळकर्णी

सावदा येथील श्री रावसाहेब प्रेमचंद नगर (स्वामीनारायण नगर) येथील श्रीस्वामी समर्थ केंद्रामध्ये दर साला प्रमाणे श्रीस्वामी समर्थांच्या पुण्यतिथी निमित्त अक्कलकोट येथून निघालेली पालखी ही उद्या दि. ७ रोजी सकाळी ९ वाजता फैजपूर येथे येईल व त्यानंतर ११ वाजता सावदा येथील श्रीस्वामी समर्थ केंद्रामध्ये येणार असून पालखीसोबत जवळपास २५ भाविक येणार आहेत.

पालखी सोहळ्याचे आगमन झाल्यानंतर विधिवत पूजा व आरती होईल त्यानंतर १००० ते १५०० भाविकांना मोठें वाघोदा येथील डॉ. सुपे यांचे कडून महाप्रसादाचा कार्यक्रम आयोजित केलेला आहे. तसेच या केंद्रात स्वामी समर्थ पुण्यतिथी निमित्त सात दिवसाचे गुरुचरित्र पारायण करण्यात आलेले होते. त्याची सांगता आज दि. ६ रोजी नैवेद्य आरती नंतर करण्यात आली.

या पारायणामध्ये एकूण ३२ भाविकांचा समावेश होता. वरील कार्यक्रमासाठी ज्ञानदेव भंगाळे, योगेश्वर महाजन, संतोष कुमावत यांचे सहकार्य लाभात असते.