खान्देश दर्पण 24x7 वृत्तसेवा -

रेशनधारकांचा यंदाचा गणेशोत्सव गोड होणार आहे. गौरी-गणपती सणानिमित्त राज्य शासनाकडून अंत्योदय व प्राधान्य कुटुंब शिधापत्रिकाधारकांना आनंदाचा शिधा मिळणार आहे. येत्या आठ दिवसांत आनंदाचा शिधा वाटप होणार असल्याचे जिल्हा पुरवठा विभागातर्फे सांगण्यात आले.

मिळालेल्या माहितीनुसार, ५ लाख ९४ हजार शिधा संच मंजूर झाले आहेत. जळगाव जिल्ह्यात सुमारे ६ लाखाहून अधिक शिधापत्रिकाधारक आहेत. त्यापैकी सुमारे ९३ टक्के शिधापत्रिकाधारकांसाठी यंदाच्या गौरी गणपती उत्सवानिमित्त राज्यासह जिल्ह्यातील शिधापत्रिकाधारकांना ‌’आनंदाचा शिधा’ वितरित करण्याचा निर्णय शासनाने घेतला आहे. यात अंत्योदय व प्राधान्य कुटुंब असे ५ लाख ९४ हजार ५७ संच जिल्हा पुरवठा विभागाला प्राप्त होणार आहेत. या संचाचे तालुकास्तरावर याचे प्रती संच १०० रुपये या सवलतीच्या दराने वाटप होईल. संचामध्ये प्रत्येकी एक किलो रवा, चणाडाळ, साखर आणि एक लिटर सोयाबीन तेल यांचा समावेश आहे.

- : : असे होणार वाटप : :-

जळगाव- ८४ हजार ४५८

पारोळा- २८ हजार ८९

भडगाव- २५ हजार २२

धरणगाव- २८ हजार ७०८

मुक्ताईनगर- १७ हजार ७५४

मुक्ताईनगर- ९ हजार ७३१

एरंडोल- २३ हजार ६२८

बोदवड- १४ हजार ४१३

भुसावळ- ३७ हजार २००

चाळीसगाव- ५९ हजार २७

अमळनेर- ४६ हजार ५००