पंकज महाजन यांच्या "भरोसा वेल्थ मॅनेजमेंट ला" २०२३ चा स्टार पुरस्कार

निंभोरा प्रतिनिधी : परमानंद शेलोडे

रावेर तालुक्यातील येथील रहिवासी पंकज रामदास महाजन यांचा कल्याण येथे स्टार पुरस्काराने सन्मान.

आर्थिक बचत व गुंतवणूक क्षेत्रात कर्तृत्वान व्यावसायिक विकास साधणाऱ्या उद्योजकांना व समाजातील इतर घटकांना आर्थिक मार्गदर्शन करणाऱ्या आघाडीच्या संस्थांना दरवर्षी प्रुडेंट फायनान्सियल सर्विसेस तर्फे दरवर्षी स्टार पुरस्काराने गौरवण्यात येेते.

गेल्या वर्षभरात भरोसा वेल्थ मॅनेजमेंट ची यशस्वी वाटचाल दोन कोटी वरून सहा कोटी पर्यंत पोहचली असून त्यांच्या गुंतवणूकदारांना गुंतवणुकीवर उत्कृष्ट परतावा मिळवून देण्यात यशस्वी झाले आहे. गुंतवणूकदारांना त्यांच्या रक्कमेवर वार्षिक १५ ते २५ टक्के नफा मिळवून दिला आहे, त्याबद्दल यावर्षी कल्याण येथील कृष्ण सुदाम हॉटेल येथे भव्य कार्यक्रमामध्ये प्रुडेंट फायनान्सियल सर्विसेस चे रिजनल हेड मनोज सिंग यांच्या हस्ते भरोसा वेल्थ मॅनेजमेंटचे सर्वेसर्वा निंभोरा बुद्रुक ता. रावेर येथिल रहिवासी हल्ली मुक्काम कल्याण येथिल पंकज रामदास महाजन यांना हा पुरस्कार देण्यात आला.

जाहिरात

यावेळी प्रुडेंट फायनान्सियल सर्विसेस चे अंबरनाथ ब्रांच हेड निलेश वाणी, आशिष वाणी व शुभम पठारे व इतर गुंतवणूकदार व सल्लागार उपस्थित होते. या बद्दल त्यांचे औद्योगिक, राजकीय, सामाजिक व शैक्षणिक तसेच ईतर सर्व क्षेत्रांमधून अभिनंदन होत असून निंभोरा सह परिसरातून कौतुक होत असून अभिनंदनाचा वर्षाव होत आहे.